1951 (Zarautz)
Egile honen
beste liburuak
NARRATIBA
1999, Elkar
2000, Elkar
2006, Elkar
IPUINA
1996, Elkar
HAUR ETA GAZTE LITERATURA
1982, Elkar
Kaltxaberde, Tturku eta Gotzon
1984, Elkar
1985, Elkar
1987, Gipuzkoako Foru Aldundia - Zarauzko Udala
1987, Elkar
Mutiko Ausarta eta Neska Panpoxa
1989, Elkar
1990, Elkar
Ausarta eta Panpoxa tartaloen basoan
1991, Elkar
1992, Elkar
1993, Elkar
1995, Errenteriako Udala
1995, Elkar
1995, Elkar
1995, Elkar
1997, Elkar
2000, Elkar
2000, Elkar
Arreba txiki bat dut, eta zer?
2002, Elkar
2002, Elkar
2006, Elkar
2007, Elkar
2008, Elkar
Jokin Galtxagorri
2004, Elkar
Galtxagorriak
Aitona Martinek kontatutako istorioetatik izan zuen galtxagorrien berri Maiderrek.
—Galtxagorriak izaki indartsuak dira oso —esan zion aitonak behin batean.
—Galtxagorriak? Eta zer dira, bada, galtxagorriak —galdetu zion Maiderrek aitonari.
—Baina... Ez al dakizu zer diren galtxagorriak? Nik ez dakit zer erakusten dizuten eskolan! Galtxagorriak jeinu txiki-txiki batzuk dira, zomorro baten tamainakoak...
—Eta zer egiten dute galtxagorri horiek? Zertarako balio dute? Jolas egiteko?
—Ez, maitea! Galtxagorriak ez dira jolaserako kontuak. Esan dizut jeinuak direla, eta oso indartsuak, gainera.
—Indartsuak? Hain txikiak badira...
—Txikiak dira, bai. Lau sar daitezke orratzontzi batean. Baina bizkorrak eta indartsuak... berak bezalakoak! Ontzia ireki bezain azkar handik kanpora irten, ontzia ireki duenaren buru parean biraka hasi, eta galdetzen dute: Zer egitea nahi duzu? Zer egitea nahi duzu?
—Eta agindutakoa egiten al dute?
—Bai, agindutako guzti-guztia.
—Mendi tontorreraino eramateko eskatuz gero, eramango al nindukete?
—Nola ez! Lipar batean! Oraintxe hemen egongo zinateke eta begiak itxi eta ireki bitartean mendi tontorrean.
—Eta harraskako lanak egiteko aginduz gero? Ontziak garbitu, lehortu eta kontu horiek egiteko aginduz gero?
—Seguru galtxagorriek amen batean egingo lituzketela lan horiek guztiak —esan zion aitonak Maiderri—, horrelako lanak txikikeriak besterik ez dira haientzat.
—Goiko mailetako harroputzei jipoi bat emateko aginduz gero, beteko al lukete agindua?
—Oso itsusia da jendea jipoitzea! Nola esan dezakezu hori?
—Beno, jipoia ez, baina eskarmentu eder bat?
—Seguru baietz! Horiek baino gauza harrigarriagoak egiten dituzte galtxagorriek. Kontutxo bat esan behar dizut orain: Zarauzko Euskal Jai egunean antzerki bat egiten da eguerdian, eta antzerki horretan galtxagorriak agertzen dira. Urtero agertu izan dira orain arte, baina iaz ez zituzten gonbidatu, eta antzerkia galtxagorririk gabe egin nahi izan zuten Zarauzko Alproja taldekoek. Eta badakizu zer geratu zitzaien? Eguraldi txarra sorrarazi zutela galtxagorriek, eta antzerkirik gabe geratu zirela herrian. lkusi nolakoa den galtxagorrien indarra...
—Eta seguru galtxagorriak izan zirela eguraldia aldatu zutenak?
—Seguru!
Horrela aritu ziren Maider eta aitona Martin denbora luzean, eta aitonak esandako kontu horiek buruan zituela, ideiak dantzan eta dantzan hasi zitzaizkion Maiderri.
