1951 (Zarautz)
Egile honen
beste liburuak
NARRATIBA
1999, Elkar
2000, Elkar
2006, Elkar
IPUINA
1996, Elkar
HAUR ETA GAZTE LITERATURA
1982, Elkar
Kaltxaberde, Tturku eta Gotzon
1984, Elkar
1985, Elkar
1987, Gipuzkoako Foru Aldundia - Zarauzko Udala
1987, Elkar
Mutiko Ausarta eta Neska Panpoxa
1989, Elkar
1990, Elkar
Ausarta eta Panpoxa tartaloen basoan
1991, Elkar
1992, Elkar
1993, Elkar
1995, Errenteriako Udala
1995, Elkar
1995, Elkar
1995, Elkar
1997, Elkar
2000, Elkar
Arreba txiki bat dut, eta zer?
2002, Elkar
2002, Elkar
2004, Elkar
2006, Elkar
2007, Elkar
2008, Elkar
Axa mixa zilarra
2000, Elkar
MINTZATZEN DA, ETA MIHIRIK EZ;
BADABIL, ETA ZANGORIK EZ;
ELURRA BEZAIN ZURIA,
BIKEA BEZAIN BELTZ.
Hor goiko hori igarkizun bat da, noski, eta hiru lerro horien atzean ezkutatzen den gauza zein den asmatu behar duzu.
Asko pentsatu ondoren,
eta zer izan daitekeen igartzen ez badiozu,
zoaz hemen eskuinean adierazten dizugun atalera: bi
XINGOLA-MINGOLA,
PARETAN GORA.
Ba al dakizu zer den?
Erantzuna: lau
Oraingoan, ipuin bat:
Behin batean, joan zen txepetxa arranoarengana eta apustu egin zion:
—Baietz zu baino gorago igo hegan!
Arranoak, harro, barre egiten zion txepetxari.
—Gorago igo? Hi burutik sano al hago? Hegan nork gehiago egin apustu egin nahi duk?
—Bai.
—Eta noiz izango da hori? Noiz indartuko haiz hi niri aurre egiteko adina?
—Nahi duzunean! Noiz egingo dugu apustua?
—Oraintxe bertan!
Eta arranoa hegan hasteko preparatzen ari zen bitartean, txepetxa arranoaren luma artean ezkutatu zen, eta nola hain arina den, hark ez zuen somatu ere egin.
Arranoa hasi zen hegan eta egin zuen gora, eta gora, eta gora... Erabat nekatuta zegoenean, esan zuen:
—Nahikoa igo naiz. Zeharo nekatuta nago baina hemen inguruan ez dago txepetx txolin horren arrastorik. Irabazi dut.
Eta beherantz abiatu zen. Baina gorenean zegoenean, txepetx txikia luma artetik irten eta hegan hasi zen, arranoa igo zena baino pittin bat gehiago. Arranoa behera zihoala, honela egin zuen oihu
—Nik irabazi dut! Nik irabazi dut!
Arranoa ikaragarri haserretu zen eta txepetx gaixoa hantxe bertan akabatu nahi zuen, baina nekatuta zegoen eta ez zuen harrapatzerik izan.
«Nik irabazi dut! Nik irabazi dut!» kantatzen du txepetxak ordutik, baina sasi artean ezkutatuta, beti ere.
Arranoaren beldur baita oraindik...
Igarkizun bat zain duzu: zortzi
KENDUAZ HAZI ETA GEHITZEN DENA.
Ba al dakizu zer den? hamar
KOXKIN, KOXKIN HARGINA,
PARETA-ZULOAN SORGINA.
Zer da? hamabi
Sarritan, lehentxeago barrez ari zen ume txikia negarrez hasten da gero.
Lehen, hori gertatzen zenean, honela kantatzen zioten negarrez ari zenari:
LEHEN BARREZ,
ORAIN NEGARREZ,
SOLDADU ZAHARRAREKIN
EZKONDU NAHI EZ.
Igarkizun bat zain duzu: hamasei
BAGINELA ETA BAGARA,
BI ANAIA BIKIAK;
GU AURREAN JARRITA,
HOBETO IKUSIKO DITUZU
GAUZA GUZTI-GUZTIAK.
Ba al dakizu zer diren? hogei
ERBIA ETA TRIKUA
Negu batean, joan zen trikua erbiaren etxera eta beretzat lekutxo bat eskatu zion hotzak akabatzen zegoela eta.
Erbia errukitu egin zen eta lekutxo bat eman zion triku gaixoari.
Denbora asko baino lehen, hasi zen trikua triki-triku, triki-triku, bazterrak endredatzen eta azkenean, han egon ezinik, erbiak alde egin behar izan zuen bere etxetik.
Horregatik esaten da: trikuak erbiari egin ziona egingo digu horrek guri, hau da, babesean hartu dugunak geure txokotik bidali egingo gaitu.
Igarkizun bat zain duzu: hemezortzi
Hemen duzu beste bat:
SASIRA JOAN ETA URRATU EZ,
URETARA JOAN ETA BUSTI EZ.
Zer da? hogeita lau
