Jose Luis
Padrón

1970 (Legazpia)

Egile honen
beste liburuak

POESIA

Ibaia euri-erasotan bezala

2000, BBK-Euskaltzaindia

Hitz-erraietan

2001, Urretxuko Udala

Txori erratuen bilera

1998, Erein

Zure bila itsasoa bidaliko dut

2002, Bermingham

Bihotzak planto

2001, Olerti Etxea

EKAINEAN HASTEN DA UDAZKENA

 

Ekainean hasten da udazkena.

Horregatik idazten dut hainbeste

gai eternalen inguruan,

heriotza dela, maitasuna dela, bakardadea dela.

Eta ez dut itzalaren gorputza arimarengandik bereizten.

Eta ez dakit nola dihoazen poesigintzaren xehetasunak,

nola dabilen goizero askatasun-gosez hiltzen den herria,

nola dabilen kanposantu inguruko bankuan

nirekin esertzen zen edadeko gizona,

eta egunen tristeziak bihotzari bere pisu osoarekin loturik dirau,

eta ez naiz jendearen irribarre burlosoaz ere.ohartzen,

eta gaurregunera arte ezagutzen ez nituen keinuak

ikusten ditut neugan, ia ezer ez dago etxean,

edonon aurkitzen zaitut, izarrak emvaro erortzen dira.

Orain ere edozein gauza egingo nukeela

zuri kontatzeko aukera izatearren, momentu bat, arren,

zurekin egoteko.

Baina esperantza egunsenti iluneko lorea da.

Eta ekainean hasten da udazkena, denbora aurrera doa.

Eta gero negarra etortzen da.

 

 

 

HoSTO A

Ikasi egin dut.

Liburuak irakurri.

Liburuak idatzi.

Bidaiak egin.

Maiternindu.

Baina bizitza

udaberriko lore

zimeldu bat dela

iruditu zait.

Agur bat da.

Udazkena da.

 

 

 

MAKALA GURE ESPERANTZA

 

Bularrak argi gutxi ematen du.

Mapamundiak animaren tankera.

Nora joan ez dakit.

Hutsari begira,

ikuskizun bati bezala.

Feria bateko tiro barraketako

panpinak,

gizonak eta gizonak

erortzen dira.

Maitasuna, argi eta bulka,

danentzakoa dala.

Orduak egiten ditut zure bihotzean

eskuak eta oinak garbitzen.

Gana holakoetan ohi duen bezala.

Ortzean izar argiaren galdemin bizia.

Ez dakit nola, baiua hitz bat pizten zait

ezpaineko mami-mamian:

aurrera.

Garapena: Dijitalidadea SL