1970 (Legazpia)
Egile honen
beste liburuak
POESIA
2000, BBK-Euskaltzaindia
2001, Olerti Etxea
1998, Erein
Zure bila itsasoa bidaliko dut
2002, Bermingham
Hitz-erraietan
2001, Urretxuko Udala
Leihoak
haurtzaroa datorkit gogora ez dakit zergatik
kartoizko haur hura oinazez blai teila gorriak
eta eguzkia leihoan kolorea
eta iganderako zapaten artetik ateratzen zitzaidan
arnasa astean behin zu ikustea baino
gauza hunkigarriagorik astean behin
atzetik egotea zen abentura bakarra
nire besoetan puxka batean leihoa
beti dago nire poemaren sakonean leihoa
orain hemen bezala egoteko eskubidea
liburutegiko leihoaren aurrean sentitu izan nuen
hotzikara hantxe egon besterik ez dut egiten
ezeren zain egon beharrik ez egon ezeren zain
egon beharrik ez
Eskuak
lastima ematen didate dendan liburuek
gurea bezalakoa da elkarri dioten atxikimendua
haienaren gisakoa ase ezin grina benetan
benetan horregatik dut hain gogoko hain
idaztezin gogoko haiena dela niri ere dagokidan
bizimodua zure bizitza laburrak irauten duen
bitartean mundu hau atseginagoa egitea
hitzen nire xamurtasuna behar duzula beste
ezer baino gehiago gogo txarrez utziko nauzula
eskuetatik ausentziaren aurrean ilea orrazten bezala
poliki-poliki zotinka loak hartzea bezala
lastima hitz polit horietan jarria dugun esperantza
Elurraren isila
isiltasun hura zen gehien maite nuena
munduko soinu ankerren heriotza
isiltasun handi hartan ez nintzen inoiz batere
kezkatu isiltasunaz
ez zen ezer ez entzuten libutegiko urruneko
ertzean fitxetan zebilen idazmakina besterik ez
hori dut gogoan eta Eugeni
liburu piloa aurrean eseririk
burnizko letrei eragiten eta eragiten
urrunaz bestaldera begiratu eta esaten zuen
udazkena joan dela hamar egun besterik ez dira
eta euskal olerki sailean elur hodeiak dabiltza
isiltasuna nire elur mahai txiki hartan
eta beste ezer ez zegoela munduan
hala ematen zuen
