1913 (Errezil)
1999 (Zarautz)
Egile honen
beste liburuak
BERTSOA
Atano III. Bere edestia bertsotan
1949, Itxaropena
1950, Itxaropena
1960, Itxaropena
1973, Auspoa
1983, Auspoa
1992, Auspoa
ARTIKULUAK
1984, Auspoa
Laugarren Txinpartak
1966, Auspoa
GAZTE DENBORAN NESKA BATI
Zorionean egin nuen nik
Sara errira biaita,
ta txoraturik gelditu nintzan
damatxo bat ikusita.
Zu goraltzeko ez daukat itzik,
o biotzeko Klarita,
ain zera biotz-ikuitzallea
ene, ain zera polita!
Gorputz liraņa, begi argia,
irriparra ezpaņetan,
urretxindorra kantari beziņ
alaia zera izketan.
Orren urruti bizi bearrak
ez nauka nere onetan,
zugan pentsatzen nago ni beti
egunez eta gabetan.
Emakumeak lore bezela
artu ditzagun aurrena,
ta goazen danok beroiek dauden
baratzatxoan barrena.
Danak usaintsu, guri ta mardul,
au begien zoramena,
baņan neretzat zu dan-danetan
krabeliņik ederrena.
Nere begiak arpegi ori
sarri nai dute aurrean,
soņez urruti banago ere
gogoz or nazu urrean.
Mundu onetan bearko degu
nork daki zenbait urtean...
Nik zu gogoan izango zaitut
arnasa dedan artean.
AITA SALBATORE MITXELENA ZANARI
Negu-sarreran berri txar batek
mindua du Euskalerri;
mantu beltzetan jantzi zaitezte
Urbia eta Aitzkorri!
Zuen maitale sutsua berriz
etzaizute urbilduko,
zuen altzoan poema-gairik
ez du berrira bilduko.
Arantzazu'ko Ama maitea,
zeu al zinan aren eske?
Zure gogoa al zan, biurtu
zedilla zerutar gazte?
Lurreko kantu eztien danak
zuri eskeņi dizkizu,
betikotasun osoan orain
kantuz or ariko zaizu.
Euskal baratzak zuen lorerik
usaintsuenetakoa,
negu-sarreran esku on batek
goruntz eramandakoa.
Zertan ukatu, Ama maitea,
utzi digun utsunea?
Bearrekoa genduan, ustez,
oraindik zure semea.
Euskalerriak eta euskerak
abe sendo bat galdua,
Salbatorentzat goiz iritxi da
munduko azken ordua.
Maiteak iges egin dio ta
alargun gaur Arantzazu,
il-kanpaiaren jardun geldia
belarritan burrundatsu.
Kendu txapela, euskaldun maite,
toki eman otoitzari,
galdu deguna Goietan dedin
zerutarren bertsolari!
Negu-sarreran berri txar batek
mindua du Euskalerri;
mantu beltzetan jantzi zaitezte
Urbia eta Aitzkorri!
Zeruko Argia, 149'gn. zenb., 1966/1/2.